A continuación mostramos un vídeo resumo da estancia de job shadowing das profesoras Luisa Otero e María Torres no IIS Stendhal de Civitavecchia (Italia)
Onte, Mohamed Sene, Alejandro E. Vázquez, Xoel Amil e Alejandro Veiga, alumnos do Ciclo Medio de Administración e Xestión do noso instituto partiron cara Italia para realizar durante tres meses a Formación en Centros de Traballo en Turín.
Esta formación enmarcase dentro do proxecto Erasmus+ KA1 que desenvolve o centro no que, este curso, tamen asistiron dúas profesoras a estancias de formación (jobshadowing) no IIS Stendhal de Civitavecchia (Italia).
As nosas compañeiras do proxecto erasmus KA1 para ciclos, Luisa Otero e María Torres, están recibindo en Civitavecchia (Italia) unha formación moi enriquecedora sobre o sistema educativo e as prácticas docentes italianas.
O pasados luns e
martes coñeceron a sede Guido Baccelli do Istituto di Istruzione Superiore Stendhal
onde asistiron a catro sesións diarias de diversos grupos e materias. Onte e
hoxe coñeceron a outra localización do IIS Stendhal, a sede Lucio Cappannari e
Benedetto Croce, onde tres estudantes da FP italiana de turismo as recibiron e lles
mostraron as instalacións. A continuación, acudiron a clases de economía, contabilidade,
matemáticas, dereito e español.
Dende o próximo sábado, día 2 de abril e ata o próximo 9, dúas docentes do noso centro, Luisa Otero e María Torres, que imparten docencia nos Ciclos Medio e Superior de Xestión administrativa e Administración e finanzas, realizarán unha estancia formativa no IIS Stendhal de Civitavecchia, Italia. Este centro, coñecido instituto cercano a Roma, ten un programa educativo semellante ao que ofrece o noso IES e as profesoras poderán observar prácticas diferenciadas, estudar o sistema educativo e a FP italiana.
Esta actividade está dentro do proxecto Erasmus KA1 orientado á formación profesional que actualmente desenvolve o centro, co cal nos próximos días tamén realizarán as prácticas catro alumnos do Ciclo Medio de Xestión Administrativa en Turín (Italia).
Esta actividade enmarcase dentro dos numerosos proxectos europeos que leva desenvolvendo o noso IES nos últimos anos, sendo centro de referencia ao respecto en Galicia, recibindo tamén a profesores estranxeiros en distintas actividades formativas. Estas actividades buscan o intercambio de experiencias didácticas e profesionais que permitan unha mellora da formación do profesorado o que redundará nun aumento da calidade do ensino do noso IES.
