Despois de máis de 15 anos desenvolvendo proxectos europeos (primeiro Comenius Multilateral e despois Erasmus+, cos recentes Crush (2015-17) e Horizon to the future (2015-18)) para educación escolar (concretamente para desenvolver proxectos que permitisen a alumnado do noso centro viaxar e ter experiencias formativas en países estranxeiros. Só dicir que nos últimos tres cursos escolares viaxaron case un centenar de rapaces e rapazas de Cambre viaxaron subvencionados polos programas europeos) decidimos dar o salto e solicitar tamén proxectos para o noso alumnado e profesorado de FP.
Así pois, o febreiro do ano pasado, o grupo de traballo de docentes que conformamos o grupo Erasmus+, presentamos o proxecto denominado Metodología IFS. Cómo resolver conflictos laborales. Por medio deste proxecto, queremos conseguir os seguintes obxectivos:
1. Mellorar a empregabilidade do noso alumnado, reforzando a súa iniciativa empresarial e as súas competencias plurilingües.
2. Reforzar a calidad dos docentes dos sectores implicados, favorecendo a súa motivación e aprendizaxe continuo.
3. Realizar formación altamente especializada totalmente cercana á realidade do mercado laboral, nun consorcio de centros de FP que traballan directamente co mercado laboral e utilizan unha metodoloxía de simulacro laboral.
4. Mellorar a formación inicial do noso alumnado.
5. Achegar sistemas educativos de formación profesional moi diferentes e relacionalos coas prácticas laborais en distintas situacións culturais e socioeconómicas.
6. Transferir a experiencia laboral ao noso entorno inmediato, xa sexa difundendo a experiencia recibida como favoreciendo a creación de novas empresas por parte do noso alumnado.
7. Desenvolver unha FP máis próxima ao Pasaporte Europeo de Competencias, reforzando habilidades concretas e achegándoa á realidade laboral.
8. Favorecer a relación entre os centros educativos e o entorno empresarial, xa sexa na nosa comunidade educativa como na comunidade educativa do IIS Stendhal.
9. Mellorar a competencia en lingua estranxeira do noso alumnado e profesorado, especialmente nas linguas inglesa e italiana.
Para conseguir isto dispoñemos de dúas becas para realizar a FCT (o período de prácticas) do noso alumnado de Grao Medio, que se desenvolverán na cidade de Civitavecchia, Italia, no centro IIS Stendhal. Este alumnado terá que facer un curso de italiano online, que permitirá achegarse con máis seguridade ás prácticas que vai realizar na cidade do Lazio.
Para o profesorado contémplanse catro becas para realizar actividades de Job Shadowing (observación da práctica docente nos centros que conforman o IIS Stendhal) de 15 días de duración cada unha.
A actividade está subvencionada polo SEPIE, Axencia Nacional en España dos programas Erasmus+. Para poder levala a cabo, constituímos unha comisión de docentes que se distribúen as distintas respnsabilidades e estamos elaborando unha serie de documentos que facilitarán o desenvolvemento e a difusión do mesmo, así como o control orzamentario e da calidade do proxecto.
Desde aquí moitas grazas a todas as persoas que participan no proxecto, estamos moi orgullosos de ser o único centro de FP de Cambre.. e o único na contorna que ofrece este tipo de oportunidades!!
