Actividade de job shadowing dentro do novo proxecto Erasmus+ KA1

O pasado mes de marzo, do 4 ao 17, tivo lugar a primeira actividade de job shadowing dentro do novo proxecto Erasmus+ KA1.

Dúas profesoras viaxaron a Civitavecchia coa finalidade de observar como se traballa nos institutos italianos e asi poder aprender da súa experiencia e dos proxectos que alí se desenvolven. O destino foi o IIS Stendhal, unha escola de secundaria onde se imparte formación profesional. Este centro está formado por dúas sedes ou edificios. Na sede principal atópase o IIS Benedetto Croce, instituto técnico de turismo e o IIS Lucio Cappannari, instituto profesional de hostaleria.

No outro edificio está o IIS Guido Bacelli, instituto técnico de economía.

Durante dúas semanas participaron activamente en clases de diversas materias, aprendendo e compartindo novas experiencias tanto con profesores como alumnos italianos.

 Asistiron a diversas reunións de caracter organizativo nas que se trataron proxectos que se levan a cabo neste centro de Civitavecchia.

Tamén houbo oportunidade de visitar o instituto de ensino secundario onde traballan as profesoras que nos visitaron o pasado outubro. O seu centro é o IIS Leonardo da Vinci de Macaresse (Fiumicino).

Foi unha experiencia enriquecedora que contribuiu a mellorar a formación das profesoras, a que poderán compartir con compañeiros e alumnos.